شارك

اسبرانزا M11 .. تنطلق فى السوق المصرى

Speranza M11 Report اسبرانزا M11 .. تنطلق فى السوق المصرى

تعتبر علامة اسبرانزا المنبعثة من رماد شيرى – فى مصر – أحد العلامات التجارية التى حققت نجاحات كبيرة مسطرة خطوط قصة نجاح يحترمها الجميع حتى أكثر المشككين فى السيارات الصينية والمتحفظين عليها ، قصة نجاح أجبرت الكثيرين على تقدير تلك العلامة تجارياً ويكفى النجاح الكبير والتواجد الملحوظ لسيارات اسبرانزا فى السوق المصرى ، بالطبع يرجع الفضل فى هذا النجاح لكثير من العوامل اهمها الوكيل الناجح شركة DME ابو الفتوح بالإضافة إلى تشكيلة سيارات اسبرانزا التى تلائم كل أزواق المستهلك المصرى والتى إنضمت لها آخر طرازات اسبرانزا التى سيتم إطلاقه فى السوق المصرى قريباً و هو طراز اسبرانز M11 بنسختى السيدان والهاتش باك والتى يتوقع لها إستقطاب فئة الشباب بوجه خاص لما تحتويه من مزايا متعددة بالإضافة إلى تطوير كثير من العوامل التى كانت مقلقه لدى المستهلك المصرى سابقاً .

التصميم الخارجى والداخلى

خرجت M11 من تحت عبائة التقليد الذى لازم تصميمات السيارات الصينية منذ فترة إطلاقها حتى فتره قريبه فى مصر , وقد تم تصميم السيارة على يد المصمم الإيطالى الشهيرالراحل أندريا بينينفارينا بعد نجاح أول نتاج تعاون شركة شيرى وبيت تصميم بينينفارينا مع اسبرانزا A113 ، وتمتاز تلك السيارة بتصميم جيد للغاية نلتمس فيه بكل وضوح اللمحه الرياضية والشكل الهجومى والطبع الفاخر فهى بلا شك أحدى أفضل سيارات فئتها تصميماً , فتلك السيارة حاصلة على جائزة أفضل تصميم فى الصين لعام 2008 كما أنه تم بناء الشاسيه الخاص بها بالتعاون مع شركة ميرا الإنجليزية لضمان أداء أفضل وتحكم أكثر مرونه .

تتناغم خطوط المقدمة فى تناسق واضح بداية من تصميم المصابيح الجميل وخطوط المصد الأمامى الجميلة والتى تندمج مع غطاء المحرك لتقديم خليط جميل ومحبب تتوسطه شبكة التهوية المحلاه بقطع من الكروم اللامع ، الشكل الجانبى لا يخلو هو الأخر من لمسات ملفته لعل أبرزها إختفاء مقابض الأبواب الخلفية وهذا الخط البارز الذى يتوسط مقابض الأبواب الأمامية ليستمر متواصلاً حتى المصابيح الخلفية ، أما المؤخره فهى الأكثر إثارة فى التصميم الخارجى لتلك السيارة على الرغم من قلة تفاصيلها إلا إنها تمتلك خطوطاً مميزا بالإضافة إلى التصميم الثورى للمصابيح الخلفيه .

داخلياً حققت شيرى – أو اسبرانزا – تقدما ملحوظاً فى مستوى الجودة الداخلية فى طراز M11 سواء على مستوى جودة الخامات المستخدمه التى كانت نقطة ضعف قاتله فى كثير من السيارات الصينية فى الفتره الماضيه أو على مستوى الشكل العام والشعور النهائى لمحتويات مقصورة القيادة وكما هو الحال للتصميم الخارجى الجميل فمقصورة M11 رائعه بحق بكل تلك التفاصيل الممتعه والمريحه سواء لوحة العدادات والشاشة الصغيرة التى توضح بيانات السيارت وسط التابلوه مروراً بالتابلوه فى حد ذاته الذى تميز ببساطته الوقورة مع كونسول وسطى دقيق وبسيط وجميل ، وكالعادة تمتلئ قائمة الكماليات فى طرازات اسبرانزا وتتضمن قائمة كماليات M11 ما يلى :

  1. باور ستيرينج
  2. تكييف هواء مزود بفلتر هواء
  3. قفل مركزى مع تحكم عن بعد
  4. راديو كاسيت مع مشغل أقراص مدمجه وقدره على تشغيل صيغة MP3 ومزود بعدد 8 مكبرات للصوت
  5. تحكم كهربائى فى النوافذ الأمامية والخلفية
  6. تحكم كهربائى فى المرايا الجانبية
  7. جنوط سبور قياس 16 بوصه
  8. مصابيح ضباب

كما يمكن أن تضاف إلى تلك الكماليات الأساسية بعض من الإضافات الإختياريه مثل :

  • فرش جلد
  • شاشة من الكريستال السائل LCD للنظام الصوتى
  • فتحة سقف
  • وسائد هوائية – 2

المحرك

speranza m11 e اسبرانزا M11 .. تنطلق فى السوق المصرى

المحرك

تستخدم اسبرانزا M11 فى السوق الخارجى ثلاث محركات أكبرهم بسعة 2.0 لتر وبقوة 137 حصان تقريباً ، والمحرك الثانى رباعى الإسطوانات بسعة 1.8 لتر وبقوة 129 حصان تقريباً أما المحرك الثالث وهو المحرك الذى تسوق به السيارة فى السوق المصرى وهو محرك من طراز ACTECO-SQR481F رباعى الإسطوانات بكامة علوية مزدوجة DOHC وبسعة ليترية تصل إلى 1.6 لتر ، وهذا المحرك قادر على توليد قوة حصانية تصل إلى 117 حصان عند 6150 دورة على الدقيقة بجانب قدرته على توليد عزم دوران يصل إلى 147 نيوتن متر عند 4300 دورة على الدقيقة مما يؤهل السيارة للوصول إلى سرعة قصوى رسمية مقدارها 180 كم / س ، ويستخدم هذا المحرك نظام حقن مستمر متعدد النقاط MPI مما يضمن أداء مناسب مع إقتصادية فى إستهلاك الوقود .

عوامل الأمان

speranza m11 s اسبرانزا M11 .. تنطلق فى السوق المصرى

الأمان

اصبحت تلك النقطه هى الهاجس الأقوى فى جميع السيارات الصينية بلا أى استثناء حتى من جهة الشركات المنتجه نفسها فتجدها تسرد نقاط الأمان بكثرة بطريقة قد تصبح ممله فى بعض الأحيان وهذا دليل على ضعف عوامل الأمان فى السيارات فى الفتره السابقه ولكن اسبرانزا M11 تطرح سؤالاً هاماً هل حققت M11 اى تقدم فى تلك النقطه ؟؟ بالطبع السيارة لم تجتاز إى اختبارات عالمية موثوقه للتأكيد على مستواها الحقيقى ولكن لا ننكر إنها مقارنة بسيارات متواجده فى السوق المصرى تعتبر متميزة بل تصل فى بعض الحالات إلى حد التفوق المطلق ، فتلك السيارة تأتى ببدن مصنع من ألواح صلب أقوى يبلغ معدله “600 MPA” ، كما تمتلك أنظمة إليكترونية مساعدة لضمان أقصى ظروف آمان مثل نظام منع إنغلاق المكابح ABS نظام التحكم فى الثبات ESP ونظام توزيع قوة الكبح EBD ويمكن طلبها بعدد 2 وسادة هوائية ، كما يوجد في اسبرانزا M11 أيضا مخففات صدمات بكافة الاتجاهات كالمصدات الأمامية والخلفية والأبواب ، ونظام حماية لمنطقة الصدر من خلال انحناء عمود القيادة لأسفل أثناء الحوادث.

أسعار ومواصفات اسبرانزا M11 في السوق المحلي

أضف تعليقك، وشاركنا رأيك
  1. م.محمد الابياري قال:

    العربية معايا من 2010 . ناعمة جدا . وزن السيارة فارغة قرابة الطن , لم يحدث اي عطل في الاوبشنس الكثيرة الموجودة بالسيارة . وانصح كل من يفكر بشراء عربية من الاخر ان يذهب لقيادة السيارة اولا و لن يحتاج الامر الكثير من التفكير و شكرا

  2. smsm قال:

    انا عاوز اشتري العربيه بس خايف النها صيني لو سمحت ردو عليا

  3. mohammad قال:

    العربية الحمد لله معاي بقالها سنه وعامل بيها 22000 كم وهي عربية جيدة في فئتها سريعة وثابته علي الطريق واستهلاكها في البزين اقتصادي تكييفها رائع بس هي زي اي عربيه عايزة محافظة ومعامله جيدة وصيانة دورية وقطع غيارها موجودة في القاهرة عند شارع زكي

  4. نريد عمال فرع بمرسي مطروح قال:

    ارجو ارسال ارقام التلفون

  5. نريد عمال فرع بمرسي مطروح قال:

    ممكن المساعدة في التجهيز

  6. نريد عمال فرع بمرسي مطروح قال:

    نريد عمل فرع صيانة وبيع بمرسي مطروح

  7. محمد حسين قال:

    رااااااااااااااائع جدااااااااااا لكن هل انت متاكد من الاسعار

  8. mohammed قال:

    هذه السيارة سيئة للغاية ولا يوجد لها قطع غيار متوفرة سواء بالتوكيل اوخارج التوكيل انا اشتريت الغربية دى فى شهر 12-2010 وبعمل الصيانة الدورية بتعتها بأنتظام فى التوكيل ولكنى فوجئت ان السيارة عند ال12الف الدنامو فصل وذهبت للتوكيل قالةلى ده الدنامو بس هو مش موجود حاليا فى اى فرع ووجدت اكثر من ثلاث سيارات من نفس النوع لديهم نفس المشكلة فى الدنامو واضطررت ات اترك السيارة يومين فى فرع الطريق الصحراوى حتى توفر دنامو من خط الانتاج وتم تغيره على حساب الشركة وبعدها وجدت الفانوس الامامى يمن به ماء فقالو لى انه عيب تصنيع وسوف يتم تغيرة على حساب الشركة حين ياتى لانه غير متوفر وبعدها تلفت البطارية وقمت بتغيرها على حسابى لمرور عام على البطاريةوالان السيارة لم تصل الى 20 الف وفوجئت بأن قربة الماء الخاصة بالريداتر تسرب ولم يوجد منها سواء فى التوكيل اوخارج التوكيل والان وصلت الى 28 الف ولم اجد القربة وظهرت مشكلة اخرى وهى علبة الدركسيون ولم توجد داخل التوكيل
    اخى واختى انصحكم بعدم شراء هذه السيارة حتى لاتشعروا بما اشعر به انا وكل من معه هذه السيارة واذا مش مصدقنى اذهبو لاقرب فرع صيانة وشاهدوا بأنفسكم اوحتى اتصلو تليفونيا بالتوكيل واسألو عن قطع الغيار الاساسية هل هى موجودة ام لا على اساس ان انتم عايزن تشتروا قطع الغيار مش بتسألوا عشان تجيبوا السيارة

  9. محمد صبحى قال:

    السيارة إم 11 ليس لها قطع غيار فى مصر أخى عمل حادثة بها وهى متوقفة لعدم وجود قطع غيار

  10. أحمد قال:

    واضح جدا ان العربية قوية وجميلة لكن أهم حاجة لما تجى تشترى سيارة غير انها عاجباك
    تعرف تبيعها ؟؟ الريسيل بتاعها عالى ولا لا لانك ممكن تلاقى السيارة المستعملة منها بينزل سعرها كتير اوووى فتخسر فيها
    قطع غيارها متوفرة بكثرة وكمان صيانتها زى مثلا الانوس قطع عيارها عند ابقال دلوقتى وكمان الضمان بتعها محترم

  11. حسن محمود محمد المليطى قال:

    إليكم وإلى كل عائلة سبرانزا كل التحية
    إستلمت السيارة m11 شهر نوفمبر 2009 وعدد الكيلو الآن 12600 وهى بالفعل سيارة جميلة جدآ وقد سافرت أكثر من مرة ولم تصدر منها مشاكل وأنا أعشق هذه السيارة بروعة وإمتياز تصميمها .
    ولكن حدثت معى مشكله سهلة جدآ منذ 20-9-2010 وهى علبة الشكمان تم إنسدادها نتجة أن الحشو الداخلى للعلبة تم تحركه من مكانه فأثر ذلك على الموتور ولم تجعل السيارة تسير باى سرعة وبالفعل ذهبت الى التوكيل بمحطة الرمل بالاسكندرية توكيل سبرانزا ابو الفتوح فى نفس اليوم 20-9-2010 لتغيير علبة الشكمان فأبلغونى ان العلبة ليست موجودة بالتوكيل والسيارة موجودة بالتوكيل حتى الآن
    طلبى هو أننى املك سيارة ولكن أركب المواصلات انا وعائلتى وكل هذا بسبب علبة شكمان مع ان السيارة موجودة بالسوق اكثر من سنة
    فأرجوا من سيادتكم الرد وحل هذه المشكلة ولمن أشكو فى الإسكندرية

  12. mohamed kamal قال:

    أنا كنت متخوف من العربية لكن توكلت على الله واشتريتها والى الأن لم يظهربها أى عيوب و أنا ماشى بها حوالى 6000 كيلو متر العربية كبيرة ومستوى رفاهية معقول وسعر ممتاز

  13. mohamed قال:

    العربية جامده اوى
    1*ثابتة على الارض والسبب جنوط 16 وكمان تقيله
    2*كماليات مش هتلاقيها الا فى العربيات الهاى اوبشن
    3*ممحرك 1600 سىسى جامد
    احلى من لانسر الرياضيه
    اشترى وعلى ضمانتى عشان معايا

  14. sayed قال:

    عايز اعرف العربية نزل منها الهاتش باك فى مصر ولا لسه والسعر المتوقع لو نزلت مصر كام وشكرا

    • المفترض أن نسخة الهاتش باك هاتنزل قريب ، اعتقد احتمال كبير جدا فى معرض فورميلا الاهرام القادم بإسم M12 ، السعر فى حدود 70 الف او اعلى بنسبة بسيطة جدا حوالى الفين او تلاته

  15. الاطناوى قال:

    عربيه قويه بالفعل

  16. eng قال:

    انا كنت بفكر كده و قلت هيفضل اسمها صيني بس لاقيت ان كل حاجه في مصر صيني مجتش عالعربيه يعني ثانيا مادامت عربيه محترمة فيها امكانيات كتييييييير و هتوديني مكان ما احب مش هتقول لأ زيها زي احسن عربية تانية و سعرها مناسب كمان وكيلها ابو الفتوح اللي كان معاه bmw تبقى عربية كويسة جدا

  17. عادل قال:

    حلوه بس انا خايف اجيبها لانها مهما كانت حلوه هايقولولي …بردو صيني

  18. شيفورليه افيو قال:

    ممكن اعرف سعرها

  19. gaber_math قال:

    على فكره السيارة إسبرانزا m11 هى نفسها شيرى A3 ولكن ده إسمها على مستوى العالم وعلى فكرة ديه كمان بعض نتائج الإختبارات التى تمت فى الصين على بعض السيارات العالمية بواسطة المنظمة c-nacp للسلامة والأمان ولنا من تلك النتائج مدى روعة السيارة m11

  20. gaber_math قال:

    تحليل عميق على فوز شيري A3 بجائزة خمسة نجومC-NCAP للسلامة

    C-NCAP، أكثر وكالة سلامة معتمدة فى الصين في اختبار التحطم منحت التصريح لشيري A3 لتكون أول سيارة سيدان العائلية ذات سلامة الخمس نجوم يجرى عليها البحث والتطوير من قبل علامة تجارية صينية مستقلة، مما يدل على التقدم الكبير لشيري في مجال التكنولوجيا والجودة والخدمة.

    بحث وتطوير خمس نجوم

    تم الموافقة على شيرى A3 ذات الجودة العالية من خلال اختبار 100 ألف كيلومتر متواصلة بالطرق العامة قبل الإطلاق، وكانت نتيجة اختبار تحطم C-NCAP أكثر من المدهش. حصلت شيرى A3 على الدرجة الكاملة مثل مرسيدس بنز C200K في اختبار التأثير الجانبي. هي أول درجة كاملة تفوز بها سيارة أصلية صينية، فموديلات التصنيع الكبرى مثل مرسيدس بنز، أودي، وفولفو فقط حصلت على الدرجة الكاملة في هذا الاختبار من قبل. وأوضح المحلل أنه مؤشر على سلامة ومصداقية السيارات الصينية حيث وصلت إلى نفس مستوى مشروع مشترك للسيارات.

    ويرى الفنيون في شيرى أن نتائج الاختبار الممتازة جاءت بفضل نظام البحث والتطوير الشامل بدرجة خمس نجوم لشيري. ابتداء من عام 2003، دخل مشروع البحث والتطوير بدرجة خمس نجوم حيز التنفيذ. بعد عدة سنوات من الجهود، شكلت شيري نظاما شاملا لبحث وتطوير المنتج، التحقق من صحة الاختبار، تكنولوجيا التصنيع، وإدارة الموردين والتحكم في العملية. فريق بحث وتطوير شيرى A3 يتكون من نخبة هذا النظام. وتفيد التقارير أن عملية بحث وتطوير شيري A3 قاسية جدا في مجال التكنولوجيا والتصميم، وكلاهما يتبنى نظام صوت واحد لأسفل. عامة، قضت شيري أربع سنوات للقيام ببحث وتطوير شيري A3 قبل خروجها من خط الانتاج.

    مُصَنِّع خمس نجمة

    اختبار سلامة خمسة نجوم C-NCAP يتطلب جسم ثابت مقاوم للتشويه، ولكن يتطلب أيضا أن يكون الجسم قادراً على امتصاص معظم قوة التأثير. أكثر من 40٪ من جسم شيري A3 مصنوع من الصفائح الفولاذية شديدة القوة 600MPa، وهي أقوى ثلاثة أضعاف الصلب العادي. وبالتالي، فإن السلامة مضمونة تماما.

    هذا الأداء العالي لشيري A3 يشمل تكنولوجيا البحث والتطوير المستقلة لشيري والتقنيات الدولية الرائدة. جودتها مضمونة عن طريق استخدام الروبوتات المتقدمة بالتنسيق مع معدات الأدوات عالية الدقة في خط الختم، 62 روبوت للحام الآلي وكذلك اللحام بالليزر لصفائح مختلفة السُمك في ورشة اللحام، دُرّ ، عملية الطلاء العالمية الأكثر تقدما في خط الطلاء وسبع نقاط تفتيش إضافية في ورشة التجميع. نجاح شيرى A3 يرجع أيضا إلى التعاون الدولي في سلسلة الصناعة بأكملها من خلال التعاون مع رواد موردي قطع غيار السيارات المدرجة في أكبر 500 شركة عالمية.

    ميزات خمس نجمة

    حصلت شيرى A3 على جميع النقاط الإضافية في C-NCAP. وذكر المطلعون أن النقاط الإضافية تتطلب اختبار معدات السيارة مع الوضع في الاعتبار سلامة السائقين والركاب كليهما. رغم البيع بسعر أقل من ذلك بكثير، معدات شيري A3 تتداخل مع معدات أودي A4 بنسبة 85٪. السلامة مضمونة بميزات السلامة النشطة والساكنة مثل 6 أكياس الهواء، حزام الأمان المشدود، ESP وABS + EBD.

    خدمة خمس نجوم

    خدمة مبيعات شيرى A3 أيضا تصل إلى الخمسة نجوم القياسية. فالأمر يحتاج المبادرة لممارسة ضمان 4 سنوات/ 120 ألف كيلومتر في حين أن العالم يمارس ضمان سنتين/ 60 ألف كيلو متر فى الصين. أكثر من 600 محطة خدمة شيرى، وفرق الصيانة المهنية مكونة من 1000 سيارة خدمة، نظام الخدمة “مشروع 24 ساعة” وعشرات الآلاف من مواهب الخدمة المتميزة على أهبة الاستعداد لتقديم خدمة خمس نجوم.

  21. mohamed desoky قال:

    this car speranza M11 is it available now in the egyptian market or still not and if not i want to know when it will be available and what is the standard features ?? and where is any info about aboelfetooh centers or any showrooms where i can see spranza m11 ????

  22. المعجب ب إسبيرانزا قال:

    الى الأخ / محمد حمدى – السياره دى بدءاً من موديل كام – لو عايز تبيعها قوللى التفاصيل

  23. ehabpopo قال:

    حد ممكن يكون عندة m11 ويقولنا تفاصيل اكتر عن العربية وعن قطع الغيار

  24. weal قال:

    يا جماعة بالله عليكم حد يكون مشترى العربية دى فعلا ومجربها يقول لنا رأيه بصراحة لأنى فعلا شوفتها وسوقتها وعجبتنى جداً .. وناوى أشتريها إن شاء الله .. منتظر رد من حد مجرب ..

  25. hesham قال:

    يا جماعة العربية مش قد كدة شكل وخلاص زى كل العربيات الصينى

  26. محمد حمدى قال:

    انا اشتريت السيارة m11 وعلشان اللى مايعرفش مايقلش عدس . يا جماعة السيارة دى جميلة جدا وهذا بناء على التجربة مش كلام وخلاص – قوة وثبات واتزان على الطريق ورفاهية فوق الوصف وراحة نفسية للى سايق وراكب السيارة واللى احلى من كلة استهلاك البنزين اقل بكثير من السيارات المعادلة لها من حيث cc . وهذه شهادة سوف يحاسبنى الله عليها. مع خالص تحياتى لكل مشترى لهذة السيارةالجميلة.

  27. MOHAMED KAMEL HAMODA قال:

    بالله عليكم ياجماعة حد يتكلم بجد عن رأية فى العربية دى حد يكون جربها كويس ويعرفها لانى مش ممكن يكون فى شركة تطلع عربية بالسوء ده وخصوصا ان باقى عربيات الشركة ثبتت كفاءه فى السوق والدليل على العربية 516 اللى بقت تاكسى دلوقتى وبغزارة واكيد مفيش سواق تاكسة هيجيب عربية الا لما تكون تستحمل البهدلة

  28. احمد مهدي قال:

    اي يا جماعة هيا ال m11 دي طلعت عربية سيئة جدا للدرجة دي؟ محدش بقي بيكتب عنها تعليقات خالص كده ليه؟ ربنا يسامحك يا ابو الفتوح كرهت الناس في الاسبيرانزا والناس مش ناقصة اصلا كره في الصناعة الصينية.مفيش حل ياجماعة الناس تلخد بيه حقها من المستغلين دول؟حسبنا الله ونعم الوكيل

  29. محمد قال:

    لو سمحتوا يا جماعة ممكن اعرف عيوب العربية كيا كارينز و شكرا

  30. هاني قال:

    ربنا يكون في عونك يا استاذ محمد والله.علي العموم انا مصدقك وبشكرك فعلا علي التنبيه بان العربية ال m11 دي سيئة ومتستاهلش فلوسها.انا فعلا كنت ناوي اشتريها بس خلاص انا غيرت رأيي.جزاك الله خيرا.بس انت لازم تاخد حقك ومتسكتش عليه.انا عارف ان العيب مش في الصناعة الصينية انما في قلة ضمير الوكيل المصري صاحب التقفيل الوحش للعربية.ابعت ايميلات وفاكسات للشركة الأم في الصين واشتكيلهم الوكيل اللي وثقوا فيه وادوله التوكيل بالتقفيل.يمكن ينقذونا منه ويثقوا في حد عنده ضمير او ينزلوها متقفلة في الصين وانا متأكد اني ساعتها هشتريها لان الاجانب بيحترموا الانسان اكتر من عندنا في مصر من قلة ضمير.وحاول ترفع عليهم قضية كمان زي صاحب العربية التيجو اللي كان هيموت هوه واسرته بسبب ان تيش العربية اتكسر واتقلبت بيهم العربية.ربنا يعوضك يا رب ويجازيك خير علي نصيحتك.

  31. محمد: ياعم بقولك وربنا أنا شاريها من اكتر من شهرين وعامل بيها دلوقتي 2000 ك بس عشان خايف أقرص عليها عربية زبالة وربنا يشهد علي كلامي وصيانة مشوفتش في حياتي أسواء من مراكز صيانة أسبرانزا والله العظيم فرنة العيش البلدي أحسن وأفضل المهم العربية مبتسحبش وعاملة زي البطة التقيلة وبتاخد وقت في التجميع كتير جدا ولو انت علي الرابع مثلا وهديت ونزلت للتالت أبقا قابلني علي متجيبلك سرعة الرابع تاني تكون وقفت الشارع وطبعا روحت بيها للصيانة كتير قالولي ده العادي بتاعها وكشفو عليها كومبيوتر كتير حريقة بنزين 92 وبتكركر وربنا زي ميكون حاطط 80 تقفيل زبالة وربنا صدقني غطا تنك البنزين مبيفتحش عندي غير بمفك او صفيحة منشار ملهاش لضمان يستاهل تدفع فلوسك ولا تامين هيامنلك العربية الزبالة دي وهيطلعو كل حاجة العيب فيك ههههههه اسمعني وربنا انا ندمان وعايز اضرب نفسي بالـــ عشان بعت دايو لانوس وروحت أشتريت ال m11 والله العظيم ندمااااااااااااااااااااااان من حيث لاينفع الندم الي بيفكر تراجع فورا شكلها يجنن لكن فلوسك الي هضيع علي الأرض وشماتة الناس فيك وضحكهم عليك أنك مغفل والله يستاهل أكتر أنك متفكرش في اي عربية صيني والعيب موش في الصيني لاء العيب في الناس ……… الي في مصر وبتوع الصيانة …….. دي لو في الصين كانو ولعو فيها علي عيوبها وشكرااااااااااااااااااااااا

    يعلم الله انى لا اجد اى كلمات ارد بها على تعليقاتك يا استاذ محمد فلا احد هنا يشعر بما تشعر به انت فيه من غضب واحباط ولا يستطيع احد ان يقدر ما انت فيه – اللى ايده فى الميه مش زى اللى ايده فى النار – على العموم ادعوا الله ان يوفقك للخير لك ولكل من يقبل على شراء اى سيارة بصفه عامة ..
    شكرا لتفاعلك المتواصل مع تمنايتى بدوامه بإذن الله

  32. محمد قال:

    ياعم بقولك وربنا أنا شاريها من اكتر من شهرين وعامل بيها دلوقتي 2000 ك بس عشان خايف أقرص عليها عربية زبالة وربنا يشهد علي كلامي وصيانة مشوفتش في حياتي أسواء من مراكز صيانة أسبرانزا والله العظيم فرنة العيش البلدي أحسن وأفضل المهم العربية مبتسحبش وعاملة زي البطة التقيلة وبتاخد وقت في التجميع كتير جدا ولو انت علي الرابع مثلا وهديت ونزلت للتالت أبقا قابلني علي متجيبلك سرعة الرابع تاني تكون وقفت الشارع وطبعا روحت بيها للصيانة كتير قالولي ده العادي بتاعها وكشفو عليها كومبيوتر كتير حريقة بنزين 92 وبتكركر وربنا زي ميكون حاطط 80 تقفيل زبالة وربنا صدقني غطا تنك البنزين مبيفتحش عندي غير بمفك او صفيحة منشار ملهاش لضمان يستاهل تدفع فلوسك ولا تامين هيامنلك العربية الزبالة دي وهيطلعو كل حاجة العيب فيك ههههههه اسمعني وربنا انا ندمان وعايز اضرب نفسي بالـــ عشان بعت دايو لانوس وروحت أشتريت ال m11 والله العظيم ندمااااااااااااااااااااااان من حيث لاينفع الندم الي بيفكر تراجع فورا شكلها يجنن لكن فلوسك الي هضيع علي الأرض وشماتة الناس فيك وضحكهم عليك أنك مغفل والله يستاهل أكتر أنك متفكرش في اي عربية صيني والعيب موش في الصيني لاء العيب في الناس ……… الي في مصر وبتوع الصيانة …….. دي لو في الصين كانو ولعو فيها علي عيوبها وشكرااااااااااااااااااااااا

    ——————————————————————-
    الإدارة : يا محمد براحه شوية وكان الله فى العون وإن شاء الله تلاقى حل يرضيك .. تم تعديل بعض الألفاظ فى التعليق ..

  33. د.وليد منسي قال:

    عذرا يا استاذ محمد علي الرغم اني برضو مش مطمئن للاسبيرانزا ال m11 وبرضو مصدق حلفانك.ارجو تفسير موضوع الونش ده كان لازمته ايه؟منتا بتقول ان كان في التنك سبعه لتر بنزين يعني يمشو العربية 100 كيلو تقريبا.والعربية مش عطلانه.طيب ليه مروحتش بالعربيه سايقها عادي يعني او روحت بيها التوكيل؟ايه لازمة الونش؟ارجوا التوضيح لو سمحت.

  34. محمد قال:

    أقسم بالله العلي العظيم أني من مالكي أسبرانزا m11 ولسة عامل صيانة ال 1000ك ودخلت بنزينة الوطنية في مدينة 6 أكتوبر أفول بنزين عادي يعني والتانك عندي كان فيه 7 لتر تقريبا فقط المهم اني جيت أفتح باب تنك البنزين موش راضي يفتح عملتله قرد أنا والناس في البنزينة ومفتحش طبعا كنت تريقة عباد الله والكل بيعايرني اني جايب عربية صيني —- زي دي وأنا واقف في نص هدومي اتصلت بالصيانة الي جبت نمرتها كأني بجيب نمرة ليلي علوي من السرية وطناااااااااااااااااش محدش معبرني وأخيرا في فرع ابو غالي في جسر السويس بعتولي الونش والعربية اتكسرت واتبهدلت علي الونش ———— كل ده عشان باب تنك البنزين في عربية زيرووووو عاملة 1400 ك تصورو دي عربية او تستاهل يدفع فيها جنية واحد والله العظيم وحياة أولادي دي نصيحة محدش يشتري عربية صيني ولا يفكر حتي فيها عربية —– وخدمة بعد البيع ——— وشكراااااااااااااااااااااا …
    ——————–
    الإدارة : تم تعديل بعض الألفاظ فى التعليق …

  35. د.وليد منسي قال:

    لحد دلوقتي محدش قال كلمة كويسه في ال m11 برضو كل الناس بتشتكي من عيوب التقفيل ومشاكل الصيانة.طيب طالاما فيه صيانه يبقي اكيد فيه اعطال طيب مبتتكلموش عن الاعطال دي ليه؟ انا بناشد شركة ابو الفتوح انها تحترم شويه العميل المصري.مش عشان العربية سعرها مش كبير يبقي التقفيل والصيانة تبقي وحشه ونعيب في الصناعة الصينية.انا سمعت مرة من مركز بيع اسبيرانزا ان التقفيل الصيني للاسبرانزا تحفه وان مهندسين شركة اسبرانزا ف مصر راكبين عربيات اسبرانزامتقفلة ف الصين احسن من ال bmw طيب ليه بقي نهمل العميل المصري؟يا ابو الفتوح حرام والله نظلم الصناعة الصينيه بسبب قلة ضمير الناس في شركتك.نداء من كل ضمير حي في مصر اتقوا الله في ارواح الناس وفلوسها.الناس بتشقي وتتعب في الفلوس دي.وضفر صباع المواطن المصري مش بس روحه اغلي من مكاسب الدنيا كلها واغلي من شركة اسبرانزا وابو الفتوح مع بعض ولا مقريتوش التعليق بتاع الراجل اللي اتكسر منه تيش العربيه التيجو وانقلبت بيه وبأسرته وربنا سترها معاهم ولا مأثرتش فيكم دعوته وهوه بيقول حسبي الله ونعم الوكيل.ياريت التعليق ده يوصل لقلوبكم قبل عقولكم وانا هبقي اول مصري يدافع عنكم وعن صناعتكم.او صناعتكم وجودتها هتبقي هيا اللي هتدافع عنكم بس لو فيه ضمير بجد.توقيعي مش هيبقي د.وليد المرة دي.لا انا مواطن مصري جدا وبحب مصر يارب تحبوها زيي.مواطن من شعب مصر………….

  36. د.وليد منسي قال:

    المشكلة يا استاذ احمد اني مبحبش العربيات الصغيرة زي النيو اكسنت لاني متعود علي العربيات الكبيرة والواسعه عشان كده عاجبني تصميم ال m11 وده اللي مشجعني بس اني اشتريها بس انا خايف ارمي فلوسي ف الارض وسكلي كده هضطر اصبر شوية مش لازم اغير دلوقتي وشكلي كده هستني لما اكمل فلوسي واشتري شيفرولية كروز الجديدة وربنا يستر بقي علي العموم شكرا ليك علي اهتمامك وردك علي تعليقي ويا ريت لو حد جرب العربية دي m11 حتي لمدة شهرين بس يكتبلي رأية فيها يا جماعة.اشكركم جميعا

  37. احمد قال:

    ممكن اعرف منها اوتوماتك شكلها جامد

  38. د.وليد منسي: شكلي هغير رأيي في العربية دي محدش مشجعني خالص ولا حتي حد جرب العربية فعلا ورد عليا برأيه فيها من ناحية امكانياتها واعطالها وصيانتها كله بس بيتكلم عن الشكل والتقفيل وبس والعربية مش شكل وتقفيل وبس يا جماعه دي اهم حاجه الموتور والعفشه والاعطال وسهولة الحصول علي قطع غيار وصيانة كويسه.حد يرد عليا ويفيدني ارجوكم.وليد منسي

    يا دكتور العربيه لسه جديده وأكيد طبعا كل إللى هايتكلم هايتكلم عن التقفيل او الخامات ، مهما كانت العربيه سيئه مش ممكن تظهر عيوبها فى أول شهرين كده يبقى كارو مش عربيه ، لو أنت عايز حاجه مطمئنه فى كاتيجورى السعر ده ممكن تزود شوية وتجيب هيونداى نيو أكسنت اعتقد مضمونه وتعتبر واحده من أفضل سيارات الفئة ديه .

  39. د.وليد منسي قال:

    شكلي هغير رأيي في العربية دي محدش مشجعني خالص ولا حتي حد جرب العربية فعلا ورد عليا برأيه فيها من ناحية امكانياتها واعطالها وصيانتها كله بس بيتكلم عن الشكل والتقفيل وبس والعربية مش شكل وتقفيل وبس يا جماعه دي اهم حاجه الموتور والعفشه والاعطال وسهولة الحصول علي قطع غيار وصيانة كويسه.حد يرد عليا ويفيدني ارجوكم.وليد منسي

  40. د.وليد منسي قال:

    انا الدكتور وليد منسي بشتغل طبيب نفسي وبفكر جديا اني اشتري العربية دي m11 بس متردد جدا وكان نفسي تنزل اوتوماتك بس مش دي المشكلة اللي منعاني اشتريها انا بس خايف من اني الاقي فيها مشاكل صيانة او اعطال والتعليقات اللي مكتوبه مش مريحه ياريت حد يطمني يا جماعه العربيه تصميمها عاجبني جدا ارجوكم افيدوني قبل مشتريها فعلا.وايه احلي الوان فيها يا جماعه؟

  41. حماده قال:

    حسبى الله ونعم الوكيل انا اسمى حماده من مدينه نصر عندى مصنع ملابس اشتريت فى شهر 4-2009 عربيه اسبرنزا تيجو 2000سى سى اتوماتيك وهنا بدات الماساه عيوب واعطال لا تنتهى وجولات فى مركز الصيانه وفلوس كتير من غير فايده وختمت بانى وانا مسافر اعيد فى بلدى المنيا بان تيش العربيه اتكسر لوحده بلرغم انى كنت داخل المدينه وعلي سرعه اربعين وبلرغم من انى كنت عامل صيانه للعربيه فى التوكيل قبلها ب 3 ايام بس وكان معايا ولادى فى العربيه واتخبطتت فى الرصيف لانى مقدرتش اتحكم فيها واتقلبت على الجانب الايمن والحمد لله ربنا ستر وخرجنا سلام بس العربيه اتدمرت انا بقول دا لانى مش عاوز حد غيرى يحصله دا ودا واجبى كمسلم ومصرى العربيه دى حرام فيها الفلوس وان شاء الله بعد العيد هبدا اجراءات لمقاضاه شركه اسبرنزا والحمد لله علبى كل شى

  42. dyeia elkomy قال:

    لقد ذهبت الي معرض اسبرنزا وتعاقدت علي سيارة تيجو 1600 ولكن شد انتباهي هذه السيارة ال M11 وطبعا عندي القليل من التردد ولكن احب السيارة الجيب اكثر وانا معجب جدا بهذه السيارة الجديدو M11 واشكر الشركة علي هذا الذوق الجميل
    ضياء الكومي

  43. Ragai Sobhy قال:

    الحقيقة ان سيارات شيري و اسمها في مصر سبرانزا ممتازة و اتوقع لها ان تصبح الصانع الاول لسيارات الركوب في العالم بنهاية العقد القادم . و لكن السىء هو تقفيلها في مصر. وواضح من كل التعليقات التي تتحدث عن التقفيل و الصيانة ان السيارة بها عيوب تقفيل و الخدمة سيئة !

  44. supper قال:

    انا من رائيي انها عربية رائعة وبالنسبة للاختبارات فلو دورت على النت حتلاقيها وخدة خمس نجوم فى اختبرات الإصطدام
    بس هو السعر زيادة شويه خصوصا انه مفيش فرق كبير بنها وبين A516

  45. bebo2010 قال:

    ارجومن مسئولى شركة اسبرانزا الرد على بعلومات عن موتور 516

  46. محمد هانى قال:

    انا مش عارف لية مفيش جودة تجميع فى مصر ازاى تخرج عربية بدون مراقبة الجودة دة حتى علشان سمعة العربية دى حاجة غريبة جدا وعدم احترام وغش انا اشتريت عربية لانوس التشطيب زفت والفراغات بين الابواب غير متساوية الخ

  47. tarek قال:

    بعد ان استلمت هذه السيارة ورغم اننى من اوائل المشترين لها صدمت بعيوب كثيرة بها سواء فى التصنيع او فى الصيانه وكان من اكثر العيوب بها هى الموتور غير قادر على وزن السيارة كما انه يحتاج الى بنزين 95 وليس 92 كما هو مكتوب من الشركة والا سوف تجد ضعف عزم وعدم قدرة وصوت تسقيف كهرباء وعلى فكرة فى مركز الصيانه دائما يقولو العيب فى البنزين وطبعا كل متغير البنزين تجد نفس العيب – ثانى عيب عدم جودة التجميع فتجد عيوب تجميع فى الشنطة مع الاكصدام والفوانيس وكذلك التبلوه وعتب الابواب وطبعا كالعادة مركز صيانة ابو رواش خدمة سيئة جدا والمهندسين هناك كل همهم انهم يعملوا اقل اصلاح فى اقل وقت وعلى فكرة جربو تتصلوا باى رقم تليفون لهم واتحدى انك ميتحرقش دمك على العموم اتوقع فشل الشركة بسببين اساسيا الاول سوء التصنيع الثانى سوء الصيانة وانا شخصيا حاسس انى مغفل انى اشتريت اسبرانزا M11واكتب هذا لكم محتسبا اجرى على الله والعوض منه سبحانه

  48. elmanahry قال:

    لم اعلم ان الكل متشوق للنسخة الاوتوماتيك مثلى واهيب بشركة ابو الفتوح باستيراد النسخة الاوتوماتيك وياريت تكون 1.8 لحين تجميع النسخة الاوتوماتيك بمصر ارضاءا للجميع

  49. mohamed hola قال:

    العربيه دى جامده جدا بصراحه كل عربيات speranzaجامده جدا و ناشفه يا جماعه
    انا مجرب ال a516

  50. sharmmawy قال:

    فعلا ياريت كان فيها اتوماتك انا من الناس اللس كنت هاغير علي طول و اجيبها

  51. haitham nessim قال:

    و الله العظيم انا لسه بايع عربيتي من شهر و بدور علي عربيه و لما شفت ال m 11 عجبتني جدا شكلها رائع و جديده بس الصدمه الكبيره كانت ان مفيهاش اتوماتيك و ده اللي خلاني ارجع في كلامي
    بس ليه سؤال ليه يعني متنزلش اتوماتيك في مصر لازم يكون في حل يا ابوالفتوح

  52. sameh قال:

    بصراحة العربية جميلةوالتصميم جميل وجديد موضوع عدم وجود مقابض للابواب الخلفية وهى ستحقق ارقام بيع ممتازة من السنة الاولى بس راى شخصى ان العربية حتنزل بثلاث مستويات للكمليات والمستوى الاول يجب ان يكون اقل من 70 الف والباقى يرتفع حتى 75 او 76 الف بتهيالى ده سعر مناسب وارجو تطبيقة علشان الواحد يغير العربية الى M11

  53. a.wa2l قال:

    فعلا العربية تصميمها كويس أوى ودى احلى حاجة فيها لان مصممها هو اللى صمم الهيونداى ماتريكس,ومفروض تمنها ميزيدش عن70ألف

  54. mimo قال:

    انا شايف ان اسبرانزا بتعمل عربيات كويسه بس ليه مفيش فيهااوتوماتيك غير فى نوعين بس
    انا شايف ان لو فى العربيه الام 11 دى فئه اوتوماتيك هتحقق نجاح كبير

  55. محمد سامح قال:

    50.000

  56. Mada_77 قال:

    يا جماعه العربيه انا شايف انها كويسه بس السعر برضه غالى فى الأول او فى الآخر هى برضه عربيه صيـــــــــــــــــــــنى
    و زى ما قال بنفسه ماخضيتش اختبارات عالميه للتأكدمن سلامتها انا مش بشكك فيها بس فى حاجات لازم نهتم بيها و فى رائي انا انا شايف ان العربيه دى حلو قوى عليها انها تلعب فى الستينات و اقصها 70000 بكل الكمليات الزياده و ده طبعا راى شخصى

  57. adam قال:

    العربيه دي جامده ونا فخور اني اشتغلت مع ابو الفتوح