شارك

كيا كارينز الجديده .. رهان كيا على الرياده

kia carens1 كيا كارينز الجديده .. رهان كيا على الرياده

عرفنا منذ فتره عن نية شركة EIT طرح الجيل الثالث الجديد من سيارة كيا من فئة الـ MPV كارينز والتى تم عرضها بصفه إستثنائية فى حفل الشركة بمناسبة إطلاق كيا سيراتو الجديدة فى الأسواق المصرية بشرم الشيخ ، وفى الحقيقه منذ ذلك الوقت وأنا أنتظر إطلاق تلك السيارة فى السوق المصرى لما أراه من وجهة نظرى أن تلك السيارة ستقود تلك الفئة هنا فى مصر خاصة عندما تقتصر المنافسه على هيونداى ماتريكس وتويوتا أفانزا .

لماذا هذا الجيل هو الذى يتوقع له التربع على قمة فئة الـ MPV فى مصر ؟

عوامل كثيرة تدعم توقعاتى اهمها وأولها هو حالة الإستقرار التى تعيشها علامة كيا تحت لواء الشركة المصرية العالمية للتجارة والتوكيلات EIT والتى اعترف انها كانت سبب رئيسى من اسباب رجوع علامة كيا إلى سابق عهدها فى السوق المصرى ، كما أن كارينز الجديدة تتفوق وبفارق ليس هيناً على منافسيها سواء كانت ماتريكس او أفانزا ومقارنةً بفارق السعر فهى امتيازات رائعه حقا سنأتى على ذكرها فى سياق هذا التقرير ، ملائمة السيارة لمتطلبات المستهلك المصرى من مساحه رحبة فى الداخل وتصميم انيق وعملية متميزة مع ارتفاع خلوص السيارة عن الأرض وهو أمر هام لتلك الفئة عائلية الإستخدام ، وكثير من الأسباب التى سيأتى ذكرها بإذن الله

التصميم الخارجي والداخلي

kia carens d front كيا كارينز الجديده .. رهان كيا على الرياده kia carens d rear كيا كارينز الجديده .. رهان كيا على الرياده

كارينز الجديدة تم إطلاقها فعلياً فى الأسواق العالمية منذ عامين تقريباً ولكن على الرغم من هذا فلازال تصميمها عصرى وهادئ وأنيق يجمع كثير من سيراتو القديمه وهيونداى نيو أكسنت فى المقدمة التى تحتوى على مصابيح ضباب ذات التصميم الأنيق والمتكامل مع الشكل الرياضى للمصد الأمامى والشبكة الأمامية الكبيرة نوعاً ما ليشكل شكل للمقدمه غير ملفت ولكن ناعم وجميل . أما المؤخره فللحق أقول لست معجباً بها بشده وإن كانت لازالت تحمل جينات سيراتو القديمه فى شكلها وهذا البروز أعلى المصابيح الخلفيه الكبيرة الحجم وهو أمر مطلوب فى تلك الفئة ، كما تأتى كارينز الجديدة جنوط من الألومنيوم قياس 15 بوصه مما يعطى شكلا أكثر رياضية للسيارة بالإضافة إلى الحوامل العلوية والتى تضيف وظيفه هامة كسيارة عائلية فى المقام الأول .

kia carens interior 1 كيا كارينز الجديده .. رهان كيا على الرياده kia carens interior 2 كيا كارينز الجديده .. رهان كيا على الرياده

داخلياً روعى فى كارينز إضفاء روح كبيرة من العملية التى تميز كيا بوجه عام ويظهر هذا فى المساحه الكبيرة للغايه فى تلك السيارة والتصميم العملى للغاية للكنسول الوسطى وحامل عصا ناقل الحركه والذى يشبه لحد بعيد ماتريكس ، أما النقطه الرائعه هى صف المقاعد الثالث الذى تتميز به كارينز عن ماتريكس وهو قابل للطى لمساحة تخزين أكبر عند اللزوم والذى للأسف لا تسوق به السيارة فى السوق المصرى ، ولم تنسى كيا اللمسات الفاخره لسيارتها الجديدة حيث أضافت كيا جميع الكماليات إلى سيارتها مثل التحكم الكهربائى فى النوافذ الأربعة مع نظام صوتى يعمل على الأقراص المدمجه CD مع مرايات حرارية والقفل المركزى ، كما نوعت كيا مستوى العملية داخل السيارة فنرى أدراج التخزين الإضافية مع مخرجى تيار فى الأمام وفى غرفة الأمتعه ، ولا أنكر جودة نوعية الخامات المستعمله فى تصنيع أجزاء المقصورة المختلفه وهو أمر معلوم لدى كيا، فكيا دائما تقدم أفضل مواصفات ممكنه فى حدود السعر

الأداء

kia carens eng كيا كارينز الجديده .. رهان كيا على الرياده kia carens gear كيا كارينز الجديده .. رهان كيا على الرياده

تعتبر نقطة الأداء هى الأقوى فى كارينز فالسيارة تتوفر بمحرك رباعى الإسطوانات بكامة علوية مزدوجة DOHC وتبلغ سعته الليترية 1.6 لتر ، وهذا المحرك قادر على تلويد قوة حصانية متميزة هى 123 حصان تقريباً عند 6300 دورة على الدقيقة و يؤمن عزم لى يصل إلى 156 نيوتن متر عند 4200 دورة على الدقيقة وتلك أرقام أداء جيدة إلى حد بعيد فى تلك الفئه – فى الحقيقه تتسيد كارينز بتلك الأرقام تلك الفئة – وإن كان يعيب كارينز ضعف مستوى القوة مقارنة بالوزن فوزن كارينز يصل إلى 1450 كجم تقريباً وهو وزن ثقيل فى الحقيقة إذا ما قورنت بمنافسيها كهيونداى ماتريكس على سبيل المثال ، وقد بدأ تسويق السيارة بالفعل بناقلى حركة ناقل يديوى من خمسة نسب أمامية  وناقل اوتوماتيكى رباعى النسب مع أستعمال نظام كبح متطور يتعتمد على مكابح قرصيه فى الأمام والخلف مما يضفى طمأنينة لدى المستهلك لمستوى كبح متميز.

الأمان

kia carens saf 1 كيا كارينز الجديده .. رهان كيا على الرياده kia carens saf 2 كيا كارينز الجديده .. رهان كيا على الرياده

تخطت كارينز بجيلها الثالث إختبارات التصادم الأوروبية بنجاح مبهر حيث حصلت على أربعة نجوم من اصل خمسة نجوم وإن كانت كارينز المصرية تختلف قليلاً عن تلك التى نتكلم عنها إلا أن هذا يضمن لنا هندسة شاسية متقدمه وآمنه  وإستخدام كارينز مكابح قرصيه فى الأمام والخلف مزودة بنظام منع أنغلاق المكابح ABS لأعلى فئات كارينز مع وسادتين هوائيتين فى الأمام بالإضافة إلى أحزمة الأمان ثلاثية نقاط التثبيت ، كل تلك البيانات تضمن مكانه رائعه لكيا كارينز وسط السوق المصرى بصفه عامة وستتحول تلك المكانه إلى رياده مضمونه من وجهة نظرى لفئتها.

أسعار ومواصفات كيا كارينز في السوق المحلي

 

أضف تعليقك، وشاركنا رأيك
  1. فرص عمل | السيرة الذاتية قال:

    كيا قبل نهاية التسعينات واصبحت لها سوق قوى وكبير جدا فى مصر

  2. القبطان قال:

    هل السيارة طراز كارينز مانيوال جميع الكماليات بسعر 102.900 جنيه مصرى .

    نفس شكل ومقاس

    السيارة طراز كارينز اوتوماتيك جميع الكماليات ABS + 2 Airbags بسعر 122.000 جنية مصرى .

    بالنسبة للشكل ومقاس السيارة فقط

    وشكرا

  3. loaynakeeb قال:

    عربية حلوة انشاء الله من نسبنة

  4. mohamed قال:

    يا جماعه حد يديلي نمرت معرض عربيات يكون محترم ومش حرامي صاحه .. عشان انا لسه جاي من السعوديه ومعرفش حاجه ف يا ريت حد يدلني على معرض محترم او يديني رقمه .. شكرا

  5. مجمد عبد الرؤوف قال:

    انا اريد ان اشتريسياره كيا كارينز ولكن يقال ان استهلاكها عالي
    انا لدي سياره تويوتا كورولا1998 وعارضها للبيع
    ولكن اريد فيها47

  6. رضافوزى قال:

    اريد شراء كارينز2011ماهيا انواع التقسيط وما المستندات المطلوبة

  7. احمد قال:

    عندي كياكرينز موديل2004المشكلة عندي في الطلوع لايوجد عزم للموتور مع العلم ان الجير اوتوماتيك استعمل الغيار2بدل
    د تموت السيارة ترى ما المشكلة مع العلم ان عزم السيارة في شارع عادي سحب ممتاز فقط في الطلوع ما السبب افيدوني
    وشكرا لكم

    • mohamed قال:

      متشغلش التكييف على طول اول ما تشغل العربيه بالذات لو العربيه حرارتها بارده … يعني سخن العربيه كده وانت وااااااااقف لحد الربع وبعدين .. شغل التكييف درجه درجه وبعدين تبدا تتحرك .. ولازم وانت بتشغل التكييف او بتطفيه يكون الغيار على P .. وبالتوفيق جرب العزم ورد عليا

  8. dr/mahmoud khalifa قال:

    اريد شراء موديل 2011 باذن الله فهل الاسعار المنشوره هى الفعليه من السوق ام من الشركه المصنعه ز شكرا.

  9. ahmed mokhtar قال:

    أريد معرفة سعر كيا كارنز 2011 الحالى مانيوال على الايميل بتاعى

    ahmed_elteir@hotmail.com

  10. حازم رضوان قال:

    اريد معرفت اماكن الوكلاء لكيا في القاهره والشرقيه

  11. حازم رضوان قال:

    هل سعرالسياره 105 الف جنيه

  12. احمد لبن جهينه قال:

    انا عندي كيا الفين وخمسه لهل اكتر من خمس سنين وهي مثل الحلاوه والعزم انما ايه جهنمي والله عزم سريعه اوي باالنسبه للفان والسيارات اثقيله وشكرا بس للشباب انصح كيا كادينزا k7

  13. هشام المغاورى قال:

    اشتريت سياره كارينز من المنطقه الحره امس لونها فيرانى وفى انتظار وصول الافراج الجمركى – وارغب فى بيعها الان لمن يرغب موبايلى 0101780941

  14. أحمد ابراهيم قال:

    السيارة جميلة جدا ……بس في مشكلة رهيبة في الحجز عند الوكيل .أنا حاجز من اكتر من 6 شهور ولسة العربية ماجاتش……….انصح المستعجل بعدم الحجز من الوكيل ويضحي بفرق السعر ويشتري من الموزعين

  15. شريف هدية قال:

    السيارة يبدو شكلها رائع جدا، كما أن القدرة بالحصان، والبالغة 123 حصانا، تبدو سوبر ممتازة إذا ما قورنت بمثيلاتها في نفس الفئة، ويخيل إلي أنها لو كانت تحوي صف المقاعد الثالث، لكانت غولا في المبيعات في مصر، حتى لو أدى ذلك إلى زيادة طفيفة في السعر، فقد كان الصف الثالث ميزة رئيسية في الموديلات الأقدم من هذه السيارة، وكذلك في اللوجان بل والتيريوس والأفانزا، لذا أظن أن الشركة ستطرح هذا الموديل قريبا، وأنا أظن أنها لم تفعل دعما للوجان من رينو، التي توزعها نفس الشركة. فالسيارات السبعة راكب فئة 1600 سي سي وأقل، أثبتت أنها مطلوبة بشدة في مصر، لأنها تكون أرخص كثير مما فوق هذه الفئة بسبب الجمارك.

  16. عبدالرحمن قال:

    العربيه شكلها جميل ومساحتهاحلوه رغم انها في مصر من غير الكنبه التالته عشان الجمارك
    والوحش في العربيه ان موتورها صغير اوي علي حجمها وعشان كده هي صوتها عالي واكيد ده هقصر عمر الموتور ولسه لحد دلواقتي منعرفش ايه اخبار قطع غيارها نصيحه لسه شويه عليها لحد لما تثبت سعرها وتعدل كام حاجه فيها كده

  17. مدحت رفعت قال:

    أشكركم على هذه المعلومات فأنا حاجز الكارينز وعلى وشك استلامها ولم أجربها ، ولكن حجزتها على السمعة والشكل الجديد والجميل

  18. amamamam قال:

    هى العربية حلوة بس صوتها عالى شوية علشان حجمها كبير على الموتور وهى ثابتة فى المنحنيات الجامدة وامان فى الركوب

  19. mohamed قال:

    عيوب العربية يا جماعة لوسمحتوا شكرا

  20. ابو محمد قال:

    الحقيقة انا معجب ب كيا كارينز العائلية(3 مقعد)ونظرا لانني اعمل خارج مصر اود ان اعرف قيمتها المالية واي وكيل من مصر يمكن شرائها وهل يمكن ان احجزها من هنا واستلمها حين عودتي بعد اشهر قليلة0

    اتمني الرد علي الاميل الخاص بي ولكم خالص الشكر0

    اخوكم ابو محمد

  21. بكرى بكار قال:

    الحمد لله رب العالمين اما بعد فود ان نشارك فى الراى يوجد لدينا هذه السيارة وهى كيا كارينز والحمد لله اسبتت الاداء العالى لدينا وهى سيارة فعلا جميلة بالفعل واتمن ان تشاركو معنا فى هذه السيارة لانها فعلا عائلية جميلة جدا جدا ولكم جزيل الشكر اخوكم بكرى

  22. كيرلس سعد صادق قال:

    انا بقول اشتروا كيا كارين وانتو مغمضين

  23. محمد احمد عبد العال قال:

    انا جربت كيا كارينز و هقول لكو علي عيوبها و مميزتها كيا واسعة اوي و صالونها مريح بس اشتري عادة بس بش اتوماتيك بس لو عايز اتوماتيك اشتري سبعة راكب بس هي عربية حلوة اوي باااااااااااااااااااااي

  24. جمال ابوزيد: عايز اشترى كارينز 3كنب اتوماتكلو سمحتو حد يقولى فين وبكام

    لا تسوق كارينز 7 مقاعد فى مصر حالياً يمكنك إستيرادها إذا أحببت

  25. جمال ابوزيد قال:

    عايز اشترى كارينز 3كنب اتوماتك لو سمحتو حد يقولى فين وبكام

  26. يحيي قال:

    بس ايه اخبار عفشة كيا كارينز مع المطبات وخصوصا في شوارع مصر الحلوه؟وايه اخبار الثبات علي الطريق وخصوصا في الملفات؟

  27. سمورا قال:

    انا عايزه اعرف العربيه كيا كارينز فى منها اوتوماتيك وسعرها كام ؟ وياريت لو حد اشترها يفيدنا بالمميزات والعيوب ؟

  28. wezza: ممكن ينزل الموقع تقرير مفصل عن السياره هيونداى cw i30 مثل التقرير الحالى الوافى عن كيا كارينز.. شكراً

    إن شاء الله قريباً جدا .. يمكن معرفة بعض المعلومات عن تلك السيارة عبر البحث فى الموقع عن هيونداى cw i30

  29. wezza قال:

    ممكن ينزل الموقع تقرير مفصل عن السياره هيونداى cw i30 مثل التقرير الحالى الوافى عن كيا كارينز.. شكراً

  30. عمرو جمال محمد قال:

    العربية حلوة اوي والدليل على كده ان الداخلية استعملوها فى مهماتهم فى مصر نرجو منكم المساعدة على توافر السيارة بسعرها الرسمى وعدم تعطيش السوق

  31. سامي أحمد عبد الفتاح: أستفسار عن السيارة كيا كارينز 1600 س س ليه غير موجودة في المملكة العربية السعودية وهل يوجد منها جيير أتوماتيك ؟

    بالفعل السيارة لا تتوفر بهذا المحرك فى السوق السعودى واعتقد فى السوق الخليجى بأكمله فهى تتوفر بمحركها بسعة 2.0 لتر وفى اعتقادى ان طبيعة الأسواق هناك تختلف تماما عن هنا فهناك عوامل عده تجعل المستهلك المصرى يفضل المحركات ذات السعة الأقل – مجبراً – على العموم الناقل الأوتوماتيكى – ستيب ترونيك – حتى الأن لم يبدأ تسويقه بصفه رسمية ولكن فى القريب العاجل سيتم تداوله تجارياً

  32. سامي أحمد عبد الفتاح قال:

    أستفسار عن السيارة كيا كارينز 1600 س س ليه غير موجودة في المملكة العربية السعودية وهل يوجد منها جيير أتوماتيك ؟

  33. mohamed hussen قال:

    ذياده واستغلال وقولنا ماشى والاخر مفيش تسليم لغايه ما يزهقوك من العربيه

  34. عماد ابراهيم احمد: هل فيها ناقل حركة اوتوماتيكى

    رسمياً وحتى الأن لن يبدأ تسويقها بعد بناقل أوتوماتيكى على الرغم من بدء حجزها بهذا الناقل

  35. عماد ابراهيم احمد قال:

    هل فيها ناقل حركة اوتوماتيكى

  36. أحمد عتيق قال:

    ياجماعة انا عاوز عربية عائلية ومحتار بجد بين الكيا كارينز وجراند تيريوس فياريت الي عندة معلومات يفيدني ضروري

  37. sayed_eid7 قال:

    حجزت سيارة وقالوا لى تسليم فورى وحجزت من شهر ولم استلم السيارة مع العلم انه يوجد زيادة 4000 جنيه للتسليم الفورى مش عارف ايه حكاية المصريين الجشعين معانا؟

  38. محمد نور قال:

    يا جماعة لازم تعرفه أن التجار هما وراء رفع السعر مش الوكيل بتاع العربية والوكيل موعيدة متاخره فى التسليم علشان عليه ضغط حجز كبير جدا ومش قادر يوفى الاعداد المطلوبه منه عشان كده بيسلم بنظام الدفعات حسب أسبقية الحجز وبالسعر الرسمى المعلن والتجار بيحصلوا على أعداد كبيرة من الوكيل ويرفعوا السعر وأحنا بنشترى منهم ودى غلطتنا أحنا واحنا بنساعدهم على كده عشان مش صبريين. أخوكم/محمد نور أرجوا أن نكون أصدقاء شكرا لفريق عمل الموقع على مجهودكم الرائع

  39. AM قال:

    على فكره انا روحت اشترى الكيا كارنز من المصريه للسيارات ولما سألت كانت السباره 100000 وساعت التنفيذ السعر اصبح 105000 ومفيش وسألت الوكيل قال بالحجز والاستلام بعد 3 شهور شوفتم بقى اسلوب وكلاء السيارات فى مصر بيعلبوا بالناس اذاى وعارفين ازاى يغروا الناس بالحاجة وبعدين يخبوا العربيات ويقولك مفيش ويرفعوا السعر زى ما هما عايزيين ويغلوا فى السعر حاجه بصراحه تزهق مفيش فايدةى فى نظام السوق السودةولا فى عربيات بترخص ولا سعر بينزل وعمالين يغلوا زى ما هما عايزيين وبدل ما يكسبو مبلغ كويس لا ليه ما نكسب فى العربيه 5 الاف وعشره ما هى الناس هتدفع وحسبى الله ونعم الوكيل

  40. Aymaz قال:

    هذا حقيقى بالفعل فلماذا يا عالم نحن ندفع فلوس فى السيارت أكثر من أى بلد آخر و مع ذلك نحصل على أسوأ سيارات، فلقد كان عندى سيارة Suzuki SX4 و غلبت مع التوكبل (مودرن موتورز) و لا فائدة و أضررت لبيعها بخسارة 13000 جنيه، ليه هذا الجشع يا وكلاء، حسبى الله و نعم الوكيل فيكم

  41. فاعل خير قال:

    السيارات الي تنزل السوق المصري اسواء سيارات علي مستوا العالم علي شان كده يا ججماعه متستغربوش من الصور لان البلد كل ما بتسوق والايام الجيه سوده

  42. مجدى ابو المجد: انا شاهدت السيارةفى مصر مختلفة عن هذة الصور فهل تلك صور الشكل الاوربى

    طيب ممكن حضرتك يا أستاذ مجدى توضيح ما وجهه الإختلاف فى الصور والسيارة التى رأيتها ؟؟

  43. مجدى ابو المجد قال:

    انا شاهدت السيارةفى مصر مختلفة عن هذة الصور فهل تلك صور الشكل الاوربى

  44. أبو عبد الرحمن قال:

    شكراً جزيلاً على هذا العرض الممتع والشيق من شخص يبدو من كلامه انه متمكن الى درجه كبيره من شرح هذا الموديل من كيا كارينز

    شكراً جزيلا

    أبو عبد الرحمن